بەڕێوەبەرایەتیی هاتوچۆی گەرمیان بڵاویكردووەتەوە، لە ڕووداوێكی هاتوچۆدا لەسەر ڕێگەی كەلار – ڕزگاری سێ كەس برینداربوون.
بەپێی ڕاگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی پێكدادانی دوو ئۆتۆمبێل لەسەر ڕێگەی كەلار – ڕزگاری سێ كەس برینداربوون كە یەكێكیان منداڵە.
لە ڕاگەیەندراوەكەدا هاتووە، بریندارەكان ئەندامی یەك خێزانن و گواستراونەتەوە بۆ نەخۆشخانەی فریاكەوتنی شەهید هەژار لە كەلار و لەلایەن تیمی هاتوچۆوە لێكۆڵینەوە لە ڕووداوەكە دەستیپێكردووە.
