كازمی بەردی بناغەی نوێكردنەوەی فڕۆكەخانەی نێودەوڵەتیی موسڵی دانا، كە بەهۆی شەڕی داعشەوە زیانی بەركەوتبوو.
بەیانیی ئەمڕۆ چوارشەممە مستەفا كازمی سەرۆك وەزیرانی عێراق گەیشتە موسڵ و لەگەڵ نەجم جبوری پارێزگاری شارەكە كۆبووەوە.
بەپێی هەواڵی میدیا عێراقییەكانیش كازمی دواتر بەردی بناغەی ئاوەدانكردنەوەی موسڵ و فڕۆكەخانەی نێودەوڵەتیی موسڵی دانا كە بەهۆی شەڕی داعشەوە زیانی بەركەوتبوو.
لای خۆیەوە نەجم جبوری پارێزگای نەینەوا ڕایگەیاندووە، فڕۆکەخانەکە دوای نۆژەنكردنەوەی توانای لە خۆگرتنی فڕۆکەی بارهەڵگری زەبەلاح و فڕۆکەی گەورەی دەبێت.
