وەزارەتی بازرگانیی عێراق بڵاویکردەوە، تا ئێستا 15 ملیۆن هاوڵاتیی عێراقی فۆڕمی خۆراکیان نوێکراوەتەوە و بە ئەلیکترۆنی کراوە.
تاڵب حەسەن بەڕێوەبەری پلاندانان لە وەزارەتی بازرگانیی عێراق رایگەیاندووە، لە کۆی 20 ملیۆن کەس کە فۆڕمی خۆراکیان هەیە لە کۆی حەوت پارێزگای عێراق داتاکانی 15 ملیۆن و 500 هەزار کەسیان نوێکراوەتەوە و بە ئەلیکترۆنی کراون.
ئاماژەی بەوەشکرد، پارێزگای بەغداد لە ریزی پێشەوەی پارێزگاکانەوەیە و داتاکانی 771 هەزار هاوڵاتی نوێکراونەتەوە، هاوکات لە پارێزگاکانی واست، سەڵاحەدین، میسان، دیوانییە، دیالە و ئەنبار پرۆسەکە بە خێرایی بەڕێوەدەچێت.
جەختیشیکردەوە، لە رۆژانی هەینی وشەممەشدا لە کارکردن بەردەوامن و رۆژانە داتاکانی 250-300 هەزار کەس نوێدەکرێنەوە و بە ئەلیکترۆنی دەکرێن.
