لە گوندی کانی بەردینەی سنووری شارەزوور، بەهۆی ئاگرکەوتنەوەوە نزیکەی 400 دۆنم لە گەنمی جوتیاران سوتا و بەپێی پۆلیسی دارستانی سلێمانی، تا ئێستا هۆکاری ئاگرەکە نەزانراوە.
لە راگەیەندراوی بەڕێوەبەرایەتیی گشتیی پۆلیسی دارستان و ژینگەی سلێمانیدا ئاماژە بۆ ئەوە کراوە، ئاگر لە گوندی کانی بەردینەی سنووری شارەزوور کەوتەوە و دوای گەیشتنی تیمەکانیان لە ماوەیەکی کەمدا ئاگرەکە کۆنترۆڵکراوە.
راشیگەیاندووە، بەڵام لەگەڵ ئەوەشدا نزیکەی 400 دۆنم لە گەنمی جوتیارانی سنوورەکە سوتا، تا ئێستا هۆکارى کەوتنەوەى ئاگرەکە نەزانراوە و لێکۆڵینەوە لەوبارەیەوە بەردەوامە .
