ئەمینداری گشتیی یەكگرتوو ڕایدەگەیەنێت، ئەوەی لە عێراق ڕوودەدات دەرئەنجامی شكستە و دەشڵێت، دۆخی هەرێم باشترنییە.
سەڵاحەدین محەمەد بەهادین ئەمینداری گشتیی یەكگرتووی ئیسلامی كوردستان ڕایگەیاند، ئەوەی لە عێراق ڕوودەدات دەرئەنجامی شكستی دەسەڵاتدارانە لە شەڕی پۆست و كورسی و دۆخەكە بەرەو ئاڵۆزی زیاتر دەڕوات.
وتیشی، “بەداخەوە دۆخی هەرێمی كوردستانیش لە دۆخی عێراق باشتر نیە”.
ئەمینداری گشتیی یەكگرتوو ئەوەشی خستەڕوو، ئەدائی حكومڕانی و سیاسی و دارایی هەرێم باش نیە، دۆخی كۆمەڵایەتی شڵەژاوە و دەبێت دەسەڵاتداران هۆشیارانەتر مامەڵە بكەن.
