بهرپرسێكی باڵای پارتی وەڵامی داواكەی سەدر بۆ گۆڕینی دەستوور و سیستمی سیاسی دەداتەوە و دەڵێت، “دهستوور تهنها بە تهوافوق دەگۆڕێت، نهك میزاجی شهخسی”.
شەوی ڕابردوو موقتەدا سەدر لە تویتێكدا باسی گۆڕینی سیستمی سیاسی و دەستوور و ئەنجامدانی هەڵبژاردنێكی دیكەی كرد.
لهبهرامبهر ئهو پهیامهی سهدریشدا، هۆشیار زێباری ئهندامی مهكتهبی سیاسیی پارتی به تویتێك وهڵامی موقتهدا سهدری داوهتهوه و دهڵێت،”سیستمی سیاسی ئێستا و دەستووری ئێستای عێراقیش، تەنها بهمیکانیزمی دەستووریی تەوافوقی دەگۆڕدرێت، نهك میزاجی شەخسی”.
دەشڵێت، “ئهو دهستوورهی ئێستای عێراق، زیاتر له 60ی عێراقییهكان دهنگیان پێداوه لەساڵی 2005 له ڕێگهی ڕیفراندۆمێکی جەماوەرییهوه و لەلایەن دەسەڵات و کۆمەڵگەی نێودەوڵەتیشەوە پشتیوانی دەکرێت”.
بۆیە زێباری لە تویتەكەیدا دەڵێت، “هیچ ڕێگەیەک نییە بۆ هەموارکردنەوەی دهستوور یان گۆڕینی تا ئهوكاتهی ڕاوێژو گفتوگۆی نیشتمانیی چڕوپڕی لهبارهوه نهكرێت”.
