بەپێی ئەو زانیارییانەی بە تۆڕی میدیایی ئێستا دراون بڕیارە لە ڕۆژی یەكشەممەی داهاتوو دەست بەدابەشكردنی مووچەی مانگی تەمموزی ئەمساڵ بكرێت و لە گەنجینەكانەوە لیستی مووچەی فەرمانبەران ئامادەكراون و وردبینی-یان تێداكراوە.
ئاماژە بەوەشكراوە، ئەگەر پارەی پێویست لەبەردەستدا بێت دەتوانرێت مووچەی سەرجەم مووچەخۆران لە ماوەی یەك هەفتەدا دابەشبكرێت.
حەسەن ڕەشید بەرێوەبەری گەنجینەی یەك لە سلێمانی لە لێدوانێكدا بە تۆڕی میدیایی ئێستای ڕاگەیاند، تا ئێستا لەكاتی دابەشكردنی مووچەی مانگی تەمموزی ئەمساڵ ئاگادار نەكراوینەتەوە، بەڵام لە لایەن فەرمانگەكانەوە لیستی مووچەی فەرمانبەرانمان ئاراستەكراوە و وردبینی لەسەرجەم لیستەكان كراون و بەبێ لێبڕین لیستی مووچەی مانگی تەمموز ئامادەكراوە.
