بەهۆی بارانی بەخووڕ و لافاو لە تارانی پایتەختی ئێران لانیکەم چوار کەس گیانیان لەدەستداوە و حەوت کەسیش برینداربوون.
تەلەڤیزیۆنی فەرمیی ئێران بڵاویکردەوە، لە کاتژمێرەکانی بەرەبەیانی ئەمڕۆدا بارانێکی بەخوور لە باکووری خۆرئاوای تاران باریوە و بەهۆیەوە زیان بەر ناوچەی ئیمام زادە داود کەوتووە کە مەزارگەیەکی دینییە لەو شارە.
ئاماژە بەوەشکراوە، بەهۆی لافاوەوە چوار کەس گیانیان لەدەستداوە و تەرمەکانیان دۆزراوەتەوە.
هەروەها تیمەکانی فریاکەوتن دوانیویانە حەوت کەس ڕزگاربکەن کە برینداربوون و گیریانخواردبوو.
بەر لە لافاواکە بەرپرسانی پەیوەندیدار دانیشتووانی ناوچە شاخاوییەکانیان ئاگادارکردبووەوە کە بارانی بەخووڕ و دروسبوونی لافاو مەترسییان لەسەر دروستدەکات.
