ئەو خانووە بچووكانەی لە كاتی بەڕێوەچوونی مۆندیالدا كرابوون بە ماڵی هاندەران، قەتەر دەیاندات بە لێقەوماوانی بومەلەرزەكەی باكوور و رۆژئاوای كوردستان و توركیا و سوریا.
لە كاتی بەڕێوەچوونی یارییەكانی جامی جیهانیی 2022ـدا لە قەتەر، حكومەتی ئەو وڵاتە چەند گوندێكی بۆ مانەوەی هاندەرانی تۆپی پێ بونیادنا، خانووەكانی گوندەكان بریتیبوون لە كەرەڤانە و خانووی بچووكی كاتی كە شوێنی نووستن، چێشتخانە و گەرماو لەخۆدەگرن.
لە نوێترین بڕیاریدا لەبارەی چارەنووسی خانووەكانەوە، حكومەتی قەتەر رایگەیاند، ئەو خانووانە وەك هاوكاری دەنێرێت بۆ توركیا و سوریا بۆ ئەوەی بكرێن بە شوێنی نیشتەجێبوونی كاتیی ئەو خێزانانەی كە بەهۆی بومەلەرزەوە شوقە و خانووەكانیان رووخاون.
