هاندەرانی یانەی ڕۆما پێشوازییەكی جیاوازیان لە پاولۆ دیبالای ئەستێرەی نوێی یانەكەیان كرد.
لە ڕێوڕەسمی ناساندنیدا 10 هەزار هاندەر لە گۆڕەپانی كۆلۆسیۆم كۆبونەوە و ئاهەنگیان بۆ گێڕا.
ڕێوڕەسمەكە نزیكەی 15 خولەكی خایاند، دیبالا جەختی كردەوە كە سەرسامە بەو پێشوازییە گەرمەی لێیكراوە.
وتیشی: “بە پەرۆشم بۆ ئەوەی بچمە ناو یاریگای ئۆڵۆمپیكۆ و لەبەردەم ئێوەدا یاریی بكەم.”
ئاماژەی بەوەشدا كە ئەم پێشوازییە گەرمە دەیخاتە ژێر بەرپرسیارێتییەكی گەورەوە و بەڵێنیشی دا كە ئەوپەری توانای خۆی لە پێناو یانەكەدا پێشكەش بكات.
