بۆ لێكۆڵینەوەكردن لە هێرشەكەی توركیا و هەڵسەنگاندنی دۆخی سنوورەكان، عێراق شاندێكی باڵای ئەمنیی ناردە زاخۆ.
شاندێكی باڵای ئەمنیی عێراق بە سەرۆكایەتیی فەریقی یەكەمی ڕوكن عەبدولئەمیر شمەری، جێگری فەرماندەی ئۆپەراسیۆنە هاوبەشەكان گەیشتە زاخۆ بۆ لێكۆڵینەوەكردن لە هێرشەكەی توركیا.
ئەمڕۆ سێشەممە شانەی ڕاگەیاندنی ئەمنیی عێراق ڕایگەیاند، شاندە ئەمنییەكە سەردانی بارەگای لیوای پاسەوانی سنوور دەکات و هەڵسەنگاندن بۆ دۆخی ئەمنیی سنوورەکانی عێراق و تورکیا دەکات.
