ئەلڤارۆ مۆراتای هێرشبەری یانەی ئەتلەتیکۆ مەدرید داهاتووی ناڕوونە، کریستیانۆ ڕۆناڵدۆ چاوەڕوانی یەکلاییبوونەوەی پێگەی ئەو یاریزانە دەکات.
ماتیۆ مۆریتۆ، ڕۆژنامەنووسی بەتوانا و شارەزای بواری گواستنەوەکان لە پێگەی “Twitch”وە ڕایگەیاندووە، “نامەوێت بڵێم ئەمڕۆ ئەتلەتیکۆ گرێبەست لەگەڵ کریستیانۆ واژۆ دەکات، هەروەها ناشمەوێت بڵێم لەسەددا سەد یاریزانەکە لە مانچستەر یونایتد بەردەوام دەبێت، ناشتوانم بایرن میونشن لە هاوکێشەکە بکەمە دەرەوە، چونکە پێم وایە و بەپێی زانیارییەکانم، هێشتا شتێکی بچووک لە ئارادایە و ئەگەر هەیە گەورە ببێت.”
بە وتەی ڕۆژنامەنووسە باوەڕپێکراوەکە، هێشتا دانوستاندنەکان بۆ گواستنەوەی کریستیانۆ ڕۆناڵدۆ بۆ یەکێک لە یانەکانی ئەتلەتیکۆ مەدریدی ئیسپانی، یاخود بایرن میونشنی ئەڵمانی درێژەی هەیە و دەرگاکان دانەخراون.
