وتەبێژی ڕاگەیاندنی پۆلیسی ناوچەی مەکە، ئەمڕۆ پێنجشەممە 29ی تشرینی یەکەم، ڕایگەیاند کە هێزی تایبەتی ئاسایشی دیپلۆماسی لە ناوچەی مەکە، کەسێکیان دەستگیرکرد کە بە جەقۆوە هێرشی کردبووە سەر کونسوڵخانەی فەڕەنسا لە جدە.
ئەو بەرپرسەی پۆلیسی مەکە دەڵێت، ئەو پاسەوانە گواستراوەتەوە بۆ نەخۆشخانە بەمەبەستی وەرگرتنی چارەسەر، ڕێکارەکانیش بەرامبەر بە هێرشبەرەکە دەستیپێکردووە.
پۆلیسی فەڕەنسا ئەمڕۆ دەستگیركردنی كەسێكی ڕاگەیاند پاش ئەنجامدانی هێرشێك بە چەقۆ لە شاری نیس، كە بووە هۆی كوژرانی سێ كەس و برینداربوونی دوانی تر.
ڕوداوەكە لەكاتێكدایە نزیكەی دوو هەفتە لەمەوبەر پاش وتنەوەی وانەیەك دەربارەی ئازادی ڕادەربڕین و نیشاندانی وێنەیەكی كاریكاتێری لەسەر پێغەمبەری ئیسلام، ساموێڵ باتی كە مامۆستایەكی خوێندنگەی ئامادەیی بوو لە فەڕەنسا، لەلایەن خوێندكارێكی بەڕەگەز چیچانی خۆیەوە سەربڕدرا، دواتریش خوێندكارەكە لەلایەن هێزە ئەمنییەكانەوە كوژرا.
