لە ئێوارەی ئەمڕۆوە نرخی بەنزین لە هەرێمی كوردستان هەرزان دەبێت.
بەهمەن شێخ قادر، وتەبێژی بەنزینخانەكانی سلێمانی بە تۆڕی میدیایی ئێستای ڕاگەیاند، لە ئێوارەی ئەمڕۆوە نرخی هەر لیترێكی بەنزینی نۆرماڵ 50 دینار و موحەسەن 25 دینار دادەبەزێت.
ئاماژەی بەوەشكرد، دابەزینەكە بەنزینی سوپەر ناگرێتەوە و هۆكارەكەشی بۆ دابەزینی نرخی بۆرسەیە.
شێخ قادر باسی لەوەشكرد، یەكێكی دیكە لە هۆكارەكانی دابەزینی نرخی بەنزین ناردنی بەنزینەكەی بەغداد و بەنزینە 800 دینارییەكەیە.
