كونسوڵخانەی توركیا لە هەولێر بەردەوامە لە كارەكانی

كاركردن لە كونسوڵخانەی توركیا لە هەولێر بەردەوامە، بەڵام پێدانی ڤیزای ڕاگرت.

ئەمڕۆ پێنجشەممە كونسوڵخانەی توركیا لە هەولێر بەردەوامە لە كارەكانی و تا كەمێك لەمەوبەر ڕێوشوێنەكانی پێدانی ڤیزا بەو كەسانەی مامەڵەی وەرگرتنی ڤیزایان كردووە بە ئاسایی بەڕێوەدەچوون، دواتر پێدانی ڤیزا ڕاگیرا.

لە كاردانەوەی تۆپبارانەكەی دوێنێی توركیا بۆ سەر زاخۆ، باڵیۆزخانەی توركیا لە بەغداد و نووسینگەی نوێنەرایەتییەكانی ئەو وڵاتە لە نەجەف، بەسڕە، كەربەلا، سلێمانی، كەركوك و دیالە داخران و ئاڵای توركیا لەسەر بارەگاكانیان هێنراونەتەوە خوارەوە.

بەشێك لەو نوێنەرایەتییانەی توركیا لە ژێر فشاری خۆپیشاندەراندا داخراون و لە بەسڕە خۆپیشاندەران لەسەر دیواری نووسینگەی پێدانی ڤیزای توركیا نووسیویانە، “بە فەرمانی گەل داخراوە”. بەڵام لە هەندێك شاری تر توركیا نووسینگەی نوێنەرایەتییەكانی داخستووە بۆ بەرگرتن لە هەڵكشانی زیاتری گرژییەكان.

بابەتی پێشتر

تورکیا جەختدەکاتەوە: هیچ هێرشێکمان بۆسەر هاوڵاتییانی سڤیل لە دهۆک ئەنجامنەداوە

بابەتی دواتر

ڕێكخراوی CPT: لە حەوت ساڵدا 138 هاوڵاتیی هەرێم بەهۆی هێرشەكانی توركیاوە شەهیدبوون

بابەتی پەیوەندیدار
Total
0
Share