کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان ئەمڕۆ خۆڵبارین دەبێت و لە سبەینێوە پلەکانی گەرما نزمدەبنەوە.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان بڵاویکردەوە، ئەمڕۆ ئاسمان ساماڵ دەبێت، لە کاتەکانی ئێوارەدا بەهۆی زیادبوونی خێرایی با بەرزبوونەوەی تۆز و خۆڵ دەبێت، کاریگەرییەکەی لەسەر ناوچەکانی سنووری پارێزگای کەرکوک زیاتر دەبێت.
بەپێی پێشبینییەکانی کەشناسی، سبەینێ ئاسمان ساماڵ دەبێت، پلەکانی گەرما 1 بۆ 3 پلە نزمدەبنەوە.
