پەیامنێری تۆڕی میدیایی ئێستا لە هەولێر ڕایگەیاند، بەهۆی لافاوەوە تا ئێستا هەشت کەس وەک خنکاوی لافاوەکە تۆمارکراون و زیانێکی گەورەی مادیش بەر چەند شوێنێکی هەولێر کەوتووە بەتایبەت ناحیەی دارەتوو.
ئومێد خۆشناو، پارێزگاری هەولێر لە لێدوانێکی ڕۆژنامەوانیدا ڕایگەیاند، “خێزانێک لە ناحیەی دارەتوو سێ کەسیان لێخنکاوە و خێزانێکی دیکەش دووکەس، لەگەڵ ئەوەش کەسێک بە هەورەتریشقە گیانی لەدەستداوە و منداڵێکیش بێ سەروشوێنە”.
بەرەبەیانی ئەمڕۆ بەهۆی دروستبوونی لافاوەوە کاتێک خەڵکی لەخەودا بوون ئاو چووەتە بەشێک لەماڵەکانی ناحیەی دارەتوو، بەهۆەوە پێنج کەس خنکاون و سێ لە خنکاوەکان ژنن.
