لە کەرکوک منداڵێک بەهۆی ئەشکەنجەدانی لەلایەن باوکییەوە گیانیلەدەستدا و پۆلیسی شارەكە دەڵێت، ڕێوشوێنی پێویست دەگرنەبەر.
بەڕێوەبەرایەتیی پۆلیسی پارێزگای كەركوك ڕایگەیاند، ڕێوشوێنی یاسایی بەرامبەر ئەو باوكە دەگرێتەبەر، كە ئەشکەنجەی منداڵەکەی خۆی داوە و بەهۆیەوە گیانیلەدەستداوە.
ئاماژەی بەوەشکردووە، باوکی منداڵەکە بەپێی مادەی (405) لە یاسای سزادانی عێراقی دەستگیرکراوە.
پۆلیسی كەركوك ناو و تەمەنی قوربانییەكەی ئاشكرانەكردووە، بەڵام بەپێی هەندێك لە سەرچاوە نافەرمییەكان تەمەنی منداڵەكە چوار ساڵە.
لیوا كاوە غەریب، بەڕێوەبەری پۆلیسی كەركوك ڕایگەیاند، ڕێگەنادەن لەنێو دیواری ماڵاندا تیرۆر و تۆقاندن بەرامبەر بە منداڵان ئەنجامبدرێت.
وتیشی، “بەردەوام دەبین لە گرتنەبەری ڕێوشوێنەکان بەرامبەر هەر کەسێک مافی ئەوانی دیکە پێشێل بکات”.
