ئیتڵاعاتی ئێران ژنێكی دەستگیركردووە، دەڵێت، سەرۆكی بەقاچاخبردنی باندێكی گەورەی لەشفرۆشییە و لەشفرۆشیان بۆ هەولێر گواستووەتەوە.
ئاژانسی هەواڵی تەسنیم و ئاژانسەكانی دیكەی ئێران هەواڵەكەیان بڵاوكردووەتەوە، ژنە دەستگیركراوەكە ناوی “زەهرا مەنسووری”یە و لەژێر ناوی خوازراوی “سارا” كاری كردووە.
بەوتەی ئیتڵاعاتی ئێران، باندەكە گەورەترینە و “تا ئێستا سەدان لەشفرۆشیان ناردووە بۆ هەولێر”.
بەپێی هەواڵەكەی ئاژانسی هەواڵی تەسنیم، دوو کەسی دیکە هاوکاریی زەهرا مەنسووری-یان كردووە و “ئەو کەسانە نزیکەی هەزار كچ و ژنیان لە هەولێر فرۆشتووە”.
زەهرا تۆمەتی دیكەشی دراوەتە پاڵ، لەوانە، قومارکردن، فێڵکردن، بڵاوکردنەوەی کاری لەشفرۆشی و بڵاوکردنەوەی وێنە و ڤیدیۆكانیان لە تۆڕە کۆمەڵایەتییەکان.
