جۆ بایدن سەرۆکی ئەمریکا کۆتایی بە سەردانەکەی بۆ ئیسرائیل هێنا، کە یەکەم وێستگەی ئەو سەردانە چەند ڕۆژەی بوو بۆ ڕۆژهەڵاتی ناوەڕاست ئەنجامیدەدات، ئەمڕۆ هەینی بایدن سەردانی سعودیە دەکات و هەریەکە لە شا و شازادەی جینشین دەبینێت.
کۆشکی سپی ڕایگەیاند، لەسەر بانگهێشتی شای سعودیە بایدن بەرەو ئەو وڵاتە بەڕێکەوتووە، لە سەردانەکەیدا سەرۆکی ئەمریکا کۆبوونەوەی دووقۆڵیی لەگەڵ هەریەکە لە شا و شازادەی جێنشینی سعودیە دەبێت.
سەردانەکەی بایدن بۆ سعودیە بە سەردانێکی مێژوویی دادەنرێت، بۆ یەکەمجارە سەرۆکێکی ئەمریکا لە فڕۆکەخانەیەکی ئیسرائیلەوە بڕوات بۆ فڕۆکەخانەیەکی سعودیە.
بەپێی ڕاگەیەندراوی کۆسکی سپی، دیدار و گفتوگۆکان تایبەت دەبن بە پەیوەندییەکانی هەردوو وڵات و ڕووبەڕووبوونەوەی ئەو هەڕەشانەی بۆسەر ناوچەکە و جیهان هەن.
سعودیە دووەم وڵاتی سەردانەکەی بایدنە بۆ ڕۆژهەڵاتی ناوەڕاست، بایدن هەریەکە لە عێراق، میسر و ئەردەنیش بەسەردەکاتەوە.
بایدن دوێنێ ڕایگەیاند، سەردانەکەی بۆ سعودیە گەورەترە لە پاراستنی بەرژەوەندییەکانی ئەمریکا بەتەنها، بەڵکو بۆ ڕاستکردنەوەی هەڵەکانی ڕابردوو لە کشانەوەیان لە ناوچەکە.
