وەزارەتی تەندروستیی هەرێمی کوردستان، ئەمڕۆ پێنجشەممە 26ی تشرینی دووەم ئاماری 24 کاتژمێری ڕابردووی کۆرۆنای بڵاوکردەوە و ڕایگەیاند 379 توشبووی نوێ و 17 مردن تۆمارکراون.
لە ڕاگەیەنراوێکدا وەزارەتی تەندروستیی هەرێمی کوردستان ڕایگەیاند، “لە شەو و ڕۆژی ڕابردوودا 379 توشبووی کۆرۆنا تۆمارکراون کە 123 توشبوو لە هەولێر، 143توشبوو لە دهۆک، 90 توشبوو لە سلێمانی، 12 لە هەڵەبجە، نۆ لە گەرمیان و دوو توشبووش لە ڕاپەڕین تۆمارکراون”.
وەزارەتی تەندروستی ڕاشیگەیاندووە، “لە 24 کاتژمێری ڕابردوودا 17 توشبووی کۆرۆنا گیانیانلەدەستداوە، لەو ژمارەیە 11ی لە سلێمانی، دوو لە هەولێر، دوو دهۆک و هەریەکە لە هەڵەبجە و گەرمیان یەک مردنیان تێدا تۆمارکراوە”.
بەپێی ئامارە فەرمییەکانی وەزارەتی تەندروستیی هەرێم تاوەکو ئێستا 95 هەزار و 235 کەس توشی کۆرۆنا بوون، لەو ژمارەیەش سێ هەزار و 78 کەس مردوون و 59 هەزار و 32 کەس چاکبوونەتەوە.
