لە گوندێكی قەزای خەبات، شەڕ لە نێوان دوو بنەماڵەدا دروستبوو، تەقەیەكی زۆر كرا و پۆلیس ڕوونكردنەوە دەدات.
ئێوارەی ئەمڕۆ دووشەممە لەسەر کێشەی زەویوزار لە گوندی چەمەدووبزی سنووی قەزای خەبات، کێشە لە نێوان دوو بنەماڵەدا دروستبوو، دواتر پەرەیسەند و بەشەڕهاتن و سەریكێشا بۆ شەڕەتەقە.
بەڕێوەبەرایەتیی پۆلیسی خەبات لەبارەی ڕووداوەكەوە دەڵێت، هیچ کەسێک بریندارنەبووە، بارودۆخەکە لە لایەن هێزە ئەمنییەکانەوە کۆنترۆڵکراوە.
بەپێی زانیارییەكانی پەیامنێری تۆڕی میدیایی ئێستا لە هەولێر، تا ئێستا بەهۆی شەڕەكەوە كەس دەستگیرنەكراوە.
