دادگای كەرخ سكاڵایەكی دژ بە یەكێتی ڕەتكردەوە و سەرچاوەیەكی فەرمیش دەڵێت، بڕیاری دادگاكە لە 12ی حوزەیرانەوە دەرچووە و لەبەر ڕێكارە یاسایی و كارگێڕییەكان نەمانویست بڵاویبكەینەوە.
سەرچاوەیەکی فەرمی بە ڕاگەیاندنە ڕەسمییەکانی یەکێتیی نیشتمانیی کوردستانی ڕاگەیاند، دادگای کەرخ لە بەرواری 12ی حوزەیرانەوە سکاڵای پارێزەر و وەكیلی لاھور جەنگی بورھان-ی ڕەتکردۆتەوە.
وتیشی، “ئێمە لەبەر ڕێزگرتن لە ڕێکكارە ئیداری و یاساییەکان پێمان باش نەبوو ھیچی لەبارەوە بڵاوبکەینەوە، بەڵام بۆ بنبڕکردنی چەواشەکاری و ژاوەژاوی ناڕەوا وا بڵاویدەکەینەوە”.
سەرچاوەكە ئەوەشی دووپاتكردەوە، “ئەو دەنگۆ و ژاوەژاوانەی لەم ڕۆژانەی پشووی جەژندا بڵاوکراونەتەوە ھیچ ئەسڵ و ئەساسێکی نییە”.
