لەسەر ڕاسپاردەی کریستۆف گالیتیێی ڕاهێنەر، ئیدارەی یانەی پاریس سان جێرمان ناوی 11 یاریزانی خستووەتە لیستی فرۆشتنەوە.
بەپێی زانیاریی ڕۆژنامەکانی لیکیپ و مارکا، کریستۆف گالیتیێی ڕاهێنەری نوێی پاریس سان جێرمان سەرسامە بە توانا هونەرییەکانی نێیمار و بە هیچ شێوەیەک داوای دەستبەرداربوونی لەو یاریزانە نەکردووە، بەڵکو ڕایگەیاندووە، کە یاریزانێکی جیهانیی ناوازە و پێویستە.
لە بەرامبەردا داوای کردووە پێکهاتەکەی لە 11 یاریزان پاکتاو بکرێت، ئەو یاریزانانەشی بە “نا پێویست” وەسف کردووە، بەو پێیەی بەتوانا و ناودارن، بەڵام لە پێکهاتەی سەرەکیدا جێگەیان نابێتەوە و بە درێژایی وەرز دەکرێت کەمێک چانسی یاریکردنیان پێبدرێت.
لیکیپ ناوی هەندێک لەو یاریزانانەی ئاشکرا کردووە، پێکهاتوون لە، لیاندرۆ پاریدێس، عەبدو دیالو، جۆرجینیۆ ڤایناڵدوم، ماورۆ ئیکاردی، لایڤین کورزاوا، ئەندێر هێرێرا، جولیان دراکسلەر.
