وەزیری دەرەوەی ئێران باس لە ساڵیادی كیمیابارانكردنی شاری سەردەشت دەكات و دەڵێت، بێدەنگی جیهان لە ئاست ئەو تاوانە هەرگیز لەبیرناكەن.
حسێن ئەمیر عەبدللهیان وەزیری دەرەوەی ئێران لە تویتێكدا ڕایگەیاند، بۆردومانكردنی شاری سەردەشت بە بۆمبی كیمیایی، ترۆپكی قێزەونیی ڕژێمی سەدام حسێن بوو لە شەڕی سەپێندراو بەسەر ئێراندا.
وتیشی، “بێده‌نگی و تێوەگلانی ئه‌وانه‌ی بانگه‌شه‌ی پاڵپشتی له مافی مرۆڤ ده‌كه‌ن له‌و تاوانه دڕندانەیەی دژ بە یاسا نێوده‌وڵه‌تییه‌كان، هه‌رگیز له‌لایه‌ن خه‌ڵكی ئێران له‌بیرناكرێت”.
بمباران شیمیایی سردشت، اوج وقاحت رژیم صدام در جنگ تحمیلی علیه کشورمان بود. سکوت و همدستی مدعیان حقوق بشر در این جنایت وحشیانه و مغایر با حقوق بین الملل، هرگز از خاطر ملت بزرگ ایران فراموش نخواهد شد. روز ملی مبارزه با سلاح های شیمیایی و بیولوژیک را گرامی می داریم.
— H.Amirabdollahian امیرعبداللهیان (@Amirabdolahian) July 3, 2022
35 ساڵ لەمەوبەر و لە 28ی حوزەیرانی 1987دا شاری سەردەشت-ی ڕۆژهەڵاتی كوردستان لەلایەن ڕژێمی بەعسی عێراقەوە بۆردومانكرا.
لە ئەنجامی ئەو هێرشەدا لە كۆی 12 هەزار كەس، نزیكەی 10 هەزاریان بەر كیمیایی كەوتن و 130 كەسیش گیانیان لەدەستدا.
