چاڤی هێرناندێزی ڕاهێنەری یانەی بەرشلۆنە خواستی لەسەر ڕافینیای بەڕازیلی و ئەستێرەی یانەی لیدز یونایتدە، پێشی وایە هاوشانی عوسمان دێمبیلی دەتوانێت لە یەک پێکهاتەدا یاری بکات.
بەپێی شیکارییەکی “تریبونا”، لەڕووی تەکتیکی-یەوە چاڤی دەتوانێت بە دوو شێواز یاری بە دێمبیلی و ڕافینیا بکات، بەبێ ئەوەی هیچ یەکێکیان بخاتە سەر کورسی یەدەگ:
یەکەم: وەک باڵی هێرشبەری چەپ، هەروەها عوسمان دێمبیلی وەک باڵی هێرشبەری ڕاست.
ڕافینیا لە لیدز یونایتد بەم تەکتیکە یاری کردووە و لە توانایدایە لەڕووی بەرگرییەوە یاریدەی جۆردی ئەلبا بدات، لە بەرامبەردا دێمبیلی لە باڵی ڕاستەوە باشترین ئاستی نیشانداوە.
دووەم: یەکێک لە خەسڵەتە ناوازەکانی ڕافینیا تواناکانییەتی لە هێرشبردن و بەرگریکردن، دەکرێت لە هێڵی ناوەند یاری بکات و ئانسو فاتی وەک هێرشبەری دووەم هاوشانی هێرشبەرێکی دیکە (لیڤاندۆڤسکی) یاری بکات.
