لە گوندی بێستانسووری سەربە ناحیەی عەربەت ئاگرکەوتەوە و بەهۆیەوە 500 دار سوتاون، کە لە جۆری داری چنار و داری بی-ن.
لە ڕاگەیەندراوێکدا بەڕێوەبەرایەتیی گشتیی پۆلیسی دارستان و ژینگەی سلێمانی بڵاویکردەوە، لە گوندی بێستانسووری سەربە ناحیەی عەربەت ئاگرکەوتووەتەوە و بەهۆیەوە 500 داری بی و چنار سوتاون، ئەو کەسەشی هۆکاربووە تائێستا دەستگیرنەکراوە.
پۆلیسی دارستانی سلێمانی دەڵێت، هەرچەندە هۆکاری سەرەکیی ئاگرکەوتنەوەکە تائێستا نەزانراوە، بەڵام ڕێکاری یاساییان گرتووەتەبەر بۆ دۆزینەوەی تۆمەتباری ڕووداوەکە.
