سەرچاوە عێراقییەکان ئاشکرایانکرد، بەیانیی ئەمڕۆ لەلایەن کەسانی نەناسراوەوە هێرشکرایە سەر بارەگای بزوتنەوەی ئیمتیداد لە بابل.
میدیا عێراقییەکان لەزاری سەرچاوە ناوخۆییەکانەوە بڵاویانکردەوە، “لەلایەن چەند کەسێکی نەناسراوەوە بە جەک هێرشکراوەتە سەر بارەگای بزوتنەوەی ئیمتیداد و هێرشکەرەکان نەناسراونەتەوە”.
بەپێی سەرچاوەکان هێرشەکە هیچ زیانێکی گیانی و ماددی نەبووە.
ئەو هێرشەی سەر بارەگای حزبەکە دوای چەند کاتژمێرێک لە ڕاگەیاندنی ئۆپۆزسیۆن بوونی بزوتنەوەی ئیمتیداد ئەنجامدرا.
