ئەستێرەی لاوی هۆڵەندی، چاڤی سیمۆنز بەبێ بەرامبەر یانەی پاریس سان جێرمانی بەجێهێشت و پەیوەندی بە یانەی ئایندهۆڤنەوە کرد.
سیمۆنز لە فێرگەی لاماسیای یانەی بەرشلۆنەوە دەرکەوت، پاریس سان جێرمان هەوڵێکی زۆریدا تاوەکو گرێبەستی لەگەڵدا واژۆ کرد، لە ماوەی سێ وەرزدا 14 یاری بە درێسی لاوانەوە ئەنجامدا، هەروەها لەگەڵ پێکهاتەی یەکەمدا 11 یاری کردووە و هیچ گۆڵێکی تۆمار نەکرد.
Delighted to sign for @PSV. Ready for the new challenge. Eendracht maakt macht! 🔴⚪ pic.twitter.com/McEqm3XXRr
— Xavi Simons (@xavisimons) June 28, 2022
سیمۆنزی تەمەن 19 ساڵ لەم وەرزەدا و دوای کۆتاییهاتنی گرێبەستەکەی، بەبێ بەرامبەر تاوەکو 2027 پەیوەندی بە یانەی ئایندهۆڤنی هۆڵەندییەوە کرد.
میدیاکان پێیان وایە، سیمۆنز بە سەرپەرشتی ڕوود ڤان نیستەلڕۆیی ڕاهێنەری نوێ، بە ئەگەرێکی زۆرەوە تواناکانی دەسەلمێنێت.
Après 3 merveilleuses années au club, il est temps de vous dire au revoir. Je suis très reconnaissant aux les coachs, les staffs, mes coéquipiers et l’ensemble du personnel. Le @PSG_inside sera toujours dans mon cœur. Pour les fans: du fond du coeur, MERCI je vous aime!! ❤️💙 pic.twitter.com/QjBRm3Yrix
— Xavi Simons (@xavisimons) June 28, 2022
نرخی شکاندنی گرێبەستی سیمۆنز بە چوار ملیۆن یورۆ خەمڵێنراوە و جارێکی دیکە پاریس سان جێرمان دەتوانێت گواستنەوەی پێ بکات.
