کچێک لە شیلادزێ لە ئاوی ڕووباری زێی گەورەدا خنکا و کەمێک بەر لە ئێستا تەرمەکەی دۆزرایەوە.
پەیامنێری تۆڕی میدیایی ئێستا لە دهۆک گواستییەوە، لە کاتژمێر 11:00ی پێشنیوەڕۆی ئەمڕۆ کچێکی 18 ساڵ کەوتە ڕووباری زێی گەورە و خنکا.
ئەو کچە ناوی جیلان عەبدولوەهابە خوێندکاری 12ی ئامادەییە و سبەینێ یەکەم تاقیکردنەوەی هەبووە، ئەمڕۆ لەگەڵ خێزانەکەی بەمەبەستی گەشتکردن چووبوونە سەر ئاوی زێی گەورە لە کۆمەڵگای سیرێی شیلادزێ.
کەمێک بەر لە ئێستا تەرمی ئەو کچە لە ئاوی زێی گەورەدا دۆزرایەوە.
