وەزارەتی کارەبای هەرێمی کوردستان کۆتاییهاتنی ماوەی لێخۆشبوونی 15%ی کرێی کارەبای ڕاگەیاند، ئاشکراشیکردووە، کە ماوەکە درێژناکرێتەوە.
لە ڕاگەیەندراوێکدا وەزارەتی کارەبا بڵاویکردەوە، لە ماوەی شەش مانگی ڕابردوودا چەند جارێک لێخۆشبوونی 15%ی کرێی کارەبا درێژکراوەتەوە تاوەکو ئەوانەی قەرزاری کارەبان پارەکە بگەڕێننەوە.
ڕاشیگەیاندووە، ئێستا ئەو ماوەیە کۆتاییهاتووە و بەهیچ شێوەیەک درێژناکرێتەوە.
وەزارەتی کارەبا ئەو هاوبەشانەی ئاگاداردەکاتەوە کە قەرزارن، کرێی کارەبا بگەڕێننەوە.
