سەرۆكی سەندیكای شۆفێران لە سلێمانی رایدەگەیەنێت، لۆگۆیەك لەو تاكسییانە دەدرێت كە لە سیتییەكان، مۆڵ و تێرمیناڵەكاندا كاردەكەن و دەشڵێت، “لۆگۆكە بێبەرامبەرە و لە بەرژەوەندیی هاوڵاتییان و خاوەنی تاكسییەكانە”.
ئازاد ئەحمەد، سەرۆكی سەندیكای شۆفێران لە سلێمانی لە لێدوانێكدا بە تۆڕی میدیایی ئێستای راگەیاند، ئامادەكارییمان كردووە لە ساڵی نوێوە لۆگۆ لەو تاكسییانە دەدرێت كە لە سیتییەكان، مۆڵ و تێرمیناڵەكاندا كاردەكەن كە لۆگۆكە بێبەرامبەر بە شۆفێرانی تاكسی دەدرێت.
وتیشی، ” ئەگەر هەر حاڵەتێك رووبدات تاكسییەكە دەناسرێتەوە و تایبەتمەندییەك بە تاكسییەكان دەدات كە لەو شوێنە كاردەكەن و بە دیزانێكی تایبەت بۆیان دروستدەكرێت و دەدرێت لە جامی پێشەوەی تاكسییەكان و جگەلەوەش ئەو لۆگۆیە ئارەزوومەندایە و پەیوەندیی بە سنوورداركردنی كارەكانیانەوە نییە”.
