كاڵكان: چەكدارانی داعش و قاعیدە لەنێو كوژراوانی سوپای توركیادا هەن

دوران کاڵکان ئەندامی کۆمیتەی بەڕێوەبەریی پەكەكە

سەركردەیەكی پەكەكە ڕایدەگەیەنێت، لەماوەی دوو مانگدا 744 چالاكی دژ بە توركیا ئەنجامدراوە و دەشڵێت، لەڕیزەكانی سوپای توركیادا چەكدارانی داعش و قاعیدە هەن.

دوران کاڵکان ئەندامی کۆمیتەی بەڕێوەبەریی پارتی كرێكارانی كوردستان (پەکەکە) ڕایگەیاند، لە ماوەی دوو مانگدا 744 چالاکی ئەنجامدراون و بەهۆیەوە 985 سەربازی توركیا كوژراون. گەریلا لە بەرانبەر چەکی کیمیایی، چەکی ناوەکی، فڕۆکەی پێشکەوتووی شەڕ، هێلیکۆپتەری شەڕ، فڕۆکەی چاودێریی، تانک و تۆپ و مووشەک بەرخۆدان دەکات.

وتیشی، “لە 15 و 16ی حوزەیراندا لە ئۆپەراسیۆنی تۆڵەسەندنەوەی شۆڕشگێڕییدا 57 سەرباز سزادران، کێ لەنێو ئەو لاشانەدا هەن؟ وادیارە چەكدارانی داعش و قاعیدە لە نێویاندان بۆ ئەوەی نەکەونە دەستی گەریلاوە، تەرمەکانیان پارچە پارچە دەکەن، هێلیکۆپتەرەکانیان کە خراونەتە خوارەوە لەناویان دەبەن”.

“گەورەترین و مانادارترین بەرگری لە مێژوودا هەیە، گرتنی گردێک و دروستکردنی بەربەست مانای هەموو شتێک نییە، گەریلاکان بۆ هەموو شوێنێک دەڕۆن، لەسەر زەوی و لە ژێر زەوی دێن و دەچن” كاڵكان وای وت.

ئاماژەی بەوەشكرد، ئەم شەڕە دوو مانگە نیشانیدەدات گەریلا زاڵە “فاشیزمی ئاکەپە و مەهەپە” کەوتوونەتە ناو دۆخێکی خراپەوە، گەیشتوونەتە ئاستی هەڵهاتن، بەڵام ناتوانن هەڵبێن.

بابەتی پێشتر

ئێران دەستگیرکردنی چەند ئەندامێکی مۆسادی ڕاگەیاند.. بەشداربوون لە کوشتنی زانایانی ئەتۆمی

بابەتی دواتر

لە هەولێر دایكێك دەستگیركرا.. ئەشكەنجەی منداڵەكانی داوە

بابەتی پەیوەندیدار
زیاتر ببینە

توركیا بۆردومانی دەستپێكردەوە

فڕۆكە جەنگییەكانی توركیا بۆردومانی سنووری قەزای ئامێدی-یان دەستپێكردەوە. بەپێی ئەو زانیارییانەی بە تۆڕی میدیایی ئێستا دراون ئەمڕۆ شەممە،…
Total
0
Share