وەزارەتی پەروەردە کاتی دەستپێکردنی تاقیکردنەوەکانی پۆلی دوانزەی ئامادەیی بڵاوکردەوە، بەپێی خشتەی نوێ، تاقیکردنەوەکان ڕۆژانە کاتژمێرێک و 30 خولەک زووتر دەستپێدەکەن بەراورد بە ساڵانی ڕابردوو.
لە ڕاگەیەندراوێکی وەزارەتی پەروەردەدا هاتووە، تاقیکردنەوەکانی پۆلی دوانزەی ئامادەیی بە هەموو بەشەکانییەوە بۆ خولی یەکەم، لە 27ی حوزەیرانی 2022 لە کاتژمێر 7:30ی بەیانی دەستپێدەکات.
ئەمە لەکاتێکدا لەساڵانی پێشوودا تاقیکردنەوە گشتییەکانی قۆناغی دوانزەی ئامادەیی بە سەرجەم بەشەکانییەوە لەکاتژمێر 9:00ی بەیانی دەستیپێدەکرد.
