تۆڕی پاراستنی کۆمەڵایەتی داوا لە خاوەن پێداویستییە تایبەتەکان دەکات سەردانیان بکەن بە مەبەستی پڕکردنەوەی فۆڕمی دڵنیایی.
تۆڕی پاراستنی کۆمەڵایەتی لە راگەیەندراوێکدا بڵاویکردەوە، بە گشت خاوەن پێداویستییە تایبەتەکان رادەگەیەنین بەپێی ئەو ئاگاداری و رێنمایەی بڵاوکراوەتەوە لە بەرێوەبەرایەتیەکانی پاراستنی کۆمەڵایەتی سەردانمان بکەن بۆ پڕکردنەوەی فۆڕمی دڵنیایی بۆ بەردەوامبوونی مووچەکانیان.
هەر لە راگەیەندراوەکەشدا داواکراوە، خاوەن پێداویستی تایبەت خۆی ئامادەبێت، دوو وێنەی پاسپۆرت و کارتی نیشتمانی یان ناسنامەی باری شارستانی و ناسنامەی وەرگرتنی مووچەی پێبێت.
ئاشکراشیکرد، رۆژی یەکشەممە دەستدەکرێت بە پڕکرنەوەی فۆڕم تا 22 ی مانگ بەردەوام دەبێت، هەرکەسێک دوا بکەوێت و فۆڕمەکە پڕنەکاتەوە مووچەكەی رادەگيرێت.
