شانەی ڕاگەیاندنی ئەمنیی عێراق بڵاویكردەوە، ئەمڕۆ نۆ کەسیان لە كەركوك دەستگیرکردووە، “وەک چەکدار و شانەی نوستووی داعش لە ناوشار کاریان کردووە”.
بەپێی ڕاگەیەندراوێكی شانەی ڕاگەیاندنی ئەمنیی عێراق، ئەو نۆ ئەندامەی داعش لەلایەن تیمەکانی هەواڵگریی وەزارەتی ناوخۆ دەستگیرکراون و لەنێو دەستگیركراوەكانیش ژنێك هەیە.
باسلەوەشكراوە، بەشێك لە دەستگیركراوەكان دژی هێزە عێڕاقیەکان بەشداریی شەڕیان کردووە و چەندین بازگەی وەهمییان داناوە، هەروەها سەرجەمیان پێشتر فەرمانی دەستگیرکردنیان هەبووە و بەماددەی چواری تیرۆریش داواكراو بوون.
هەر ئەمڕۆ شانەی ڕاگەیاندنی ئەمنیی عێراق دەستگیركردنی دوو “تیرۆستی مەترسیداری” لە كەركوك ڕاگەیاندبوو.
