(ڤیدیۆ) چێڵسی و ئیشبیلیه‌ بلیتی قۆناغی 16ی چامپیۆنز لیگیان بڕی

یانه‌کانی چێڵسی و ئیشبیلیه‌ گه‌یشتنیان به‌ قۆناغی 16ی چامپیۆنزلیگ مسۆگه‌رکرد

ئه‌مشه‌و، سێشه‌ممه‌ له‌ چوارچێوه‌ی ڕوبه‌ڕوبوونه‌وه‌کانی گه‌ڕی چواره‌می خولی یانه‌ پاڵه‌وانه‌کانی ئه‌وروپا، دوو ڕوبه‌ڕوبوونه‌وه‌ی گرنگ ئه‌نجامدران و چێڵسی و ئیشبیلیه‌ سه‌رکه‌وتنیان بۆ قۆناغی 16 مسۆگه‌رکرد.

له چوارچێوه‌ی ڕوبه‌ڕوبوونه‌وه‌کانی گه‌ڕی چواره‌می قۆناغی کۆمه‌ڵه‌کانی چامپیۆنزلیگ، چێڵسی له‌ یاریگای ڕوازۆن پارک ڕوبه‌ڕوی ستاد ڕینس بووه‌ و یارییه‌که‌ی به‌ ئه‌نجامی گۆڵێکی بێوه‌ڵام برده‌وه‌.

له‌ تایمی یه‌که‌مدا ئه‌ستێره‌کانی فرانک لامپارد له‌ ڕووه‌کانی هونه‌ری و تاکتیکیه‌وه‌‌ باڵاده‌ستیان نیشاندا، له‌ خوله‌کی 22 هودسۆن کالوم ئودۆی گۆڵی پێشکه‌وتنی تۆمارکرد، هه‌روه‌ها چه‌ندین هه‌لی تۆمارکردنی گۆڵی دیکه‌یان ڕه‌خساند‌، به‌ڵام سه‌رکه‌وتوو نه‌بوون و ئه‌و تایمه‌ به‌ گۆڵێکی بێوه‌ڵام له‌ به‌رژه‌وه‌ندی بلوزی له‌نده‌ن کۆتاییهات.

له‌ تایمی دووه‌مدا تیمۆ ڤێرنه‌ر و هاوڕێیانی شێوازی هێرشبه‌ریی خۆیان سه‌پاند و گوشاری توندیان له‌سه‌ر گۆڵی ئالفرێد گۆمێز دروستکرد، به‌ڵام له‌ خوله‌کی 85 له‌لایه‌ن سێرهۆ گوێراسییه‌وه‌ گۆڵی یه‌کسانکه‌ره‌وه‌ی ئه‌نجامه‌که‌یان تۆمارکرد، به‌ڵام گووشاره‌کانی زه‌به‌لاحه‌که‌ی له‌نده‌ن له‌ کاتی زیادکراودا به‌رهه‌می هه‌بوو و له‌ گۆڵی دووه‌م و پیشکه‌وتنیان له‌ ڕێگه‌ی ئۆلیڤه‌ر جیروی فه‌ره‌نسیه‌وه‌ تۆمارکرد، یارییه‌که‌‌ش به‌ بردنه‌وه‌ی چێڵسی کۆتاییهات.

له‌هه‌مان کاتدا یانه‌ی کراسنوداری ڕووسی له‌ کوبان ستادیۆن میوانداری ئیشبیلیه‌ی ئیسپانی کرد و یارییه‌که‌ به‌ ئه‌نجامی دوو گۆڵ به‌رانبه‌ر گۆڵێک له‌ به‌رژه‌وه‌ندی یانه‌ ئیسپانییه‌که‌ کۆتاییهات.

گۆڵه‌کانی ئیشبیلیه‌ له‌ خوله‌که‌کانی چوار و 90 له‌لایه‌ن ئیڤان ڕاکیتیچ و مونیر حه‌دادییه‌وه‌ تۆمارکران و گۆڵه‌که‌ی کراسنوداریش له‌ خوله‌کی 56 له‌لایه‌ن واندێرسۆن ماسێل سۆزاوه‌ تۆمارکرا.

به‌پێی ئه‌نجامه‌ تۆمارکراوه‌که‌ی ئه‌مشه‌و، یانه‌کانی چێڵسی و ئیشبیلیه‌ ژماره‌ی خاڵه‌کانیان گه‌یانده‌ (10) و له‌ پله‌ی یه‌که‌م و دووه‌می گروپی چواره‌م به‌ فه‌رمی سه‌رکه‌وتنیان بۆ قۆناغی 16 مسۆگه‌رکرد.

بابەتی پێشتر

باران و لافاو ڕوو لە عێراق دەكەنەوە

بابەتی دواتر

کراسنودار 1-2 چێڵسی

بابەتی پەیوەندیدار
زیاتر ببینە

(ڤیدیۆ) یوڤانتۆس چواره‌م بردنه‌وه‌ی له‌سه‌ریه‌کی به‌رامبه‌ر ئینته‌ر میلان تۆمارکرد

ئه‌مشه‌و یه‌کشه‌ممه‌، یارییه‌کانی هه‌فته‌ی (13)ی خولی پله‌ یه‌کی ئیتاڵیا ئه‌نجامدران، له‌ یاریی لووتکه‌دا یانه‌ی یوڤانتۆس بردنه‌وه‌ی به‌رامبه‌ر ئینته‌ر…
Total
0
Share