ڕۆبێرت لیڤاندۆڤیسكی، هێرشبەری بایرن میونشن ژمارە پێوانەییەكەی گێرد مۆلەر-ی شكاند، كە خاوەنی زۆرترین گۆڵ بوو لە یەك ساڵی خولی ئەڵمانیادا.
لیڤاندۆڤیسكی 43 گۆڵی لە ساڵی 2021 تۆماركردووە، بە گۆڵێك كەوتە پێش ژمارە پێوانەییەكەی گێرد مۆلەرەوە، كە ئەو لە ساڵی 1972دا 42 گۆڵی تۆماركردبوو.
جگە لەوە، لیڤاندۆڤیسكی توانی لە سەرجەم خول و پاڵەوانێتیەكاندا 69 گۆڵ لەمساڵدا تۆماربكات، كە ئەوەش دووبارەكردنەوەی ژمارەكەی ڕۆناڵدۆی پۆرتوگالییە.
ژمارەی پێوانەیی زۆرترین گۆڵ لە یەك ساڵدا بە ناوی لیۆنێل مێسی ئەرجەنتینییەوەیە، كە ئەو توانیویەتی لە ساڵێكدا 91 گۆڵ تۆماربكات.
بۆ سێیەم جارە لیڤاندۆڤیسكی دەتوانێت لە یەك ساڵدا زۆرترین گۆڵ تۆماربكات:
69 گۆڵ لە ساڵی 2021 دا
45 گۆڵ لە ساڵی 2020 دا
48 گۆڵ لە ساڵی 2019 دا
