بەڕێوەبەرایەتیی بەرەنگاربوونەوەی توندوتیژیی دژی ئافرەتان و خێزان لە سلێمانی، تۆمەتبارێکی دەستگیرکرد کە هەڕەشەی بڵاوکردنەوەی وێنە و ڤیدیۆی لە ژنان کردووە.
لە ڕاگەیەندراوێکدا نوسینگەی چەمچەماڵی سەر بە بەڕێوەبەرایەتیی بەرەنگاربونەوەی توندوتیژیی دژی ئافرەتان و خێزان/سلێمانی بڵاویکردەوە، تۆمەتبارێکیان دەستگیرکردووە کە ژمارەیەکی زۆر “وێنە و ڤیدیۆی نەشیاو” لەناو مۆبایلەکەیدا هەبووە و بەوانە هەڕەشەی لە ژنان کردووە.
بەپێی ڕاگەیەندراوەکە، ئەو تۆمەتبارە هەڕەشەی لە ژنان و کچان کردوو بەو ڤیدیۆ و وێنانە کە ئەگەر ئامادەنەبن بۆ داواکارییەکانی بڵاویدەکاتەوە.
تۆمەتبارەکە ناوی (ئ .ع .خ)ـە، تەمەنی 21 ساڵە و دانیشتووی قەزای چەمچەماڵە، لەکاتی دەستگیرکردنیدا دەستبەسەر مۆبایلەکەیدا گیراوە.
