دواجار گرێبەستی سادیۆ مانێی سەنیگالی لەگەڵ یانەی بایرن میونشن ئیمزاكرا و بۆ سێ ساڵ پەیوەندیان پێوە دەكات.
حەسەن ساڵحمیدیزیچ بەڕێوەبەری وەرزشی یانەی بایرن میونشن ئاشكرایكرد، كە مانێ هەموو شتێكی لەگەڵ لیڤەرپوڵ كۆتایی پێهاتووە و هەنگاو بەرەو ئەڵمانیا دەنێت.
بەڕێوەبەری وەرزشی بایرن ڕەتینەكردەوە لەوەی كە گفتوگۆكانیان سەركەوتوو بووە و هەموو شتێك بە باشی دەڕوات.
بە پێی ڕاگەیاندنەكان بێت مانێی تەمەن 30 ساڵ بۆ ماوەی سێ وەرز پەیوەندی بەڕیزەكانی بایرنەوە دەكات.
نرخی گرێبەستەكەش بە 40 ملیۆن یۆرۆ دەخەمڵێنرێت و ئیدارەی بایرن دەیەوێت جێگەی لیڤاندۆڤسكی پێ پڕبكاتەوە كە بەرەو بەرشلۆنە هەنگاو دەنێت.
