قوباد تاڵەبانی: ناکرێت ئیتر تەنها بە لێدوان ناڕەزایی دەربڕین و دەبێت سنوور بۆ بەزاندنی سەروەریمان دابنرێت

قوباد تاڵەبانی جێگری سەرۆكی ئەنجومەنی وەزیرانی هەرێمی كوردستان

 

قوباد تاڵەبانی جێگری سەرۆکی حکومەتی هەرێمی کوردستان سەرکۆنەی هێرشی تورکیا بۆ سەر خاکی هەرێمی کوردستان دەکات، ڕایگەیاندووە، دەبێت حکومەتی عێراقی فیدراڵ ڕۆڵی جددی هەبێت و سنوور بۆ بەزاندنی سەروەریی خاکمان دابنرێت.

لە ڕاگەیەندراوێکدا قوباد تاڵەبانی بڵاویکردەوە، “دەستدرێژیکردن و بەزاندنی سەروەریی خاکی کوردستان و عێراق لەزیادبوونێکی مەترسیداردایە”.

جێگری سەرۆکی حکومەت دەڵێت، “ناکرێت چیتر تەنها بە لێدوان و بەیاننامە ناڕەزایی دەربڕین و چاوەڕوانی هێرشێکی تر بین، پێویستە حکومەتی فیدراڵی عێراق ڕۆڵ و هەڵوێستی جددی هەبێت و لەڕێی گفتوگۆوە سنوورێک بۆ بەزاندنی سەروەریی خاک و وڵاتمان دابنرێت”.

قوباد تاڵەبانی داوا لە وڵاتانی دراوسێ دەکات، ڕێز لە تایبەتمەندیی ھەرێمی كوردستان بگرن و سەلامەتیی گیانی ھاووڵاتییانی كوردستان لەوە زیاتر نەخەنە مەترسییەوە.

بابەتی پێشتر

عەلی حەمە ساڵح: لێبڕینی مووچە بەبڕیاری حکومەت بووە و دەبێت بەرپرسیارێتییەکەی هەڵبگرێت

بابەتی دواتر

سەربازگەی زیلکانی تورکیا بۆردومان کرا

بابەتی پەیوەندیدار
زیاتر ببینە

وه‌زاره‌تى ڕۆشنبیرى لەبارەی هۆكارى كۆكردنه‌وه‌ى كتێبی وه‌زیرێكی سەدام ڕوونكردنه‌وه‌ ده‌دات

وه‌زاره‌تى ڕۆشنبیریى هه‌رێمى كوردستان هۆكارى كۆكردنه‌وه‌ى كتێبێكى وه‌زیری پێشووتری به‌رگریی عێراق ئاشكراده‌كات و ده‌ڵێت، کەسوکاری ئەنفالكراوانى نیگەرانکردووە. له‌…
Total
0
Share