نەقیبی سەندیکای پزیشکانی عێراق دەڵێت، خاوەنی موەلیدەیان ئاشکراکردووە نەشتەرگەریی جوانکاریی بۆ خەڵک کردووە و زانیارییەکی تر لەبارەی كاری پزیشكیی نایاساییەوە ئاشکرادەکات.
جاسم عەزاوی نەقیبی سەندیکای پزیشکانی عێراق، لە دیدارێکی میدیای فەرمیی عێراق-دا ڕایگەیاند، پەرستیار و برینپێچ لە وڵاتانی ترەوە هاتوونەتە عێراق و “ناسنامەی پزیشک”یان پێدراوە و مۆڵەتی کاری پزیشکییان وەرگرتووە.
وتیشی، ئەو برینپێچ و پەرستیارانە نۆرینگەیان هەیە و وەک پزیشک کاردەکەن و نەشتەرگەریی ئەنجامدەدەن. بەشێكیشیان لەژێر دەستی پزیشكانی بێتوانا و ناشایستەدا كاردەكەن.
نەقیبی سەندیکای پزیشکانی عێراق ئاشکرایکرد، کەسێک کە خاوەنی موەلیدەیە، سەنتەری جوانکاریی کردووەتەوە و نەشتەرگەریی جوانکاریی ئەنجامدەدات.
