هەشت تیرۆریست كوژران و دەستگیركران، كوژراوەكان لە چیای مەخمور و كەركوك بوون.
لیوا یەحیا ڕەسوڵ وتەبێژی فەرماندەی گشتیی هێزە چەكدارەكانی عێراق هەواڵەكەی ڕاگەیاند و دەڵێت، هێزەكانی دژەتیرۆر چوار تیرۆریستیان لە چیای مەخمور و ناحیەی سەركەلان لە كەركوك كوشتووە.
ڕایگەیاند، چوار تیرۆریستی تر لەلایەن دەزگای دژەتیرۆر و هێزە ئەمنییەكانەوە لە دیالە دەستگیركراون كە پێشتر بە تۆمەتی تیرۆر و تاوان و بەپێی ماددەی چواری تیرۆر، دادوەر بڕیاری دەستگیركردنیانی دەركردبوو.
وتەبێژی فەرماندەی گشتیی هێزە چەكدارەكان وتی، لە هەرسێ چالاكییەكەی كەركوك و مەخمور و دیالەدا ژمارەیەكی زۆری چەك و تەقەمەنی دەستیان بەسەرداگیراوە.
