کرێکارێک لە قەزای کەلار لەکاتی کارکردندا بە تەزووی کارەبا گیانیلەدەستدا و کرێکارێکی دیکەش برینداربوو.
عەلی جەمال قدوری، وتەبێژی پۆلیسی گەرمیان بە تۆڕی میدیایی ئێستای راگەیاند، بەیانیی ئەمڕۆ چوارشەمە لە گەڕەکی کەلاری نوێی قەزای کەلار کرێکارێک لە کاتی کارکردندا بە تەزووی کارەبا گیانیلەدەستدا.
ئاماژەی بەوەش کرد، لە رووداوەکەدا کرێکارێکی دیکەش برینداربوو دوای چارەسەری پێویست لە نەخۆشخانەی شەهید هەژار لە کەلار بەهۆی سەختی برینەکەیەوە رەوانەی نەخۆشخانەی سلێمانی کرا.
عەلی جەمال، رایگەیاند، ئەو کرێکارە ناوی (یادگار سالار)ە، لەدایکبووی ساڵی 2004 ە، پۆلیس چووەتە شوێنی رووداوەکە و لێکۆڵینەوە لە هۆکار و چۆنیەتی رووداوەکە دەستیپێکردووە.
