سەرۆكی پێشووی ئەنجومەنی ئاسایشی نەتەوەیی ئیسرائیل دەڵێت، “جەنگی ئێران و ئیسرائیل لە پشتی پەردەوە بەڕێوەدەبرێت و خۆرهەڵاتی ناوەڕاست ڕێكدەخرێتەوە”.
مائیر بن شبات سەرۆكی پێشووی ئەنجومەنی ئاسایشی نەتەوەیی ئیسرائیل ڕایگەیاند، جەنگی ئێران و ئیسرائیل بەرپابووە و لە پشتی پەردەوە بەڕێوەدەبرێت.
بەپێی وتەی بن شبات كە لێدوانی بۆ ڕۆژنامەی “گلوبس” داوە، جەنگی نێوان ئێران و ئیسرائیل لەڕووی سیبری و ئەلیكترۆنییەوە دەستیپێكردووە و بەردەوامە و دەڵێت، “نازانرێت ئەو جەنگە كەی كۆتایی پێدێت، لە ڕاستیدا جەنگەكە لە پشتی پەردەوە بەڕێوەدەبرێت”.
سەرۆكی پێشووی ئەنجومەنی ئاسایشی نەتەوەیی ئیسرائیل ڕایگەیاندووە، خۆرهەڵاتی ناوەڕاست ڕێكدەخرێتەوە و وڵاتە عەرەبییە سوننییە میانڕەوەكان، ئیسرائیل لە زۆر بواردا بە هاوبەشی شەرعیی خۆیان دەزانن.
