عێراق مكوڕە لەسەر ئەوەی وڵاتان پەنابەرە عێراقییەكان بە زۆر نەنێرنەوە و داوای چارەسەر دەكات.
عوسمان غانمی وەزیری كۆچ و كۆچبەرانی عێراق بە وەكالەت ڕایگەیاند، گفتوگۆیەكی گشتگیر لەگەڵ وڵاتانی ئەوروپادا دەكەن لەبارەی بە زۆر ناردنەوەی پەنابەران.
غانمی جەختدەكاتەوە كە دەبێت ڕێگری بكرێت لە ناردنەوەی زۆرەملێی پەنابەرانی عێراقی و دەڵێت، پێویستە حكومەت و پەرلەمان دەستوەردان بكەن و ڕێگەنەدەن پەنابەران بە زۆر بنێردرێنەوە.
ڕاگەیەندراوێك كە ئەمڕۆ یەكشەممە وەزارەتی كۆچ و كۆچبەرانی عێراق بڵاویكردووەتەوە دەڵێت، “ئەمڕۆ وەزیری كۆچ و كۆچبەران سەرپەرشتیی كۆبوونەوەی لیژنەی نیشتمانیی بەدواداچوون بۆ عێراقییەكانی دەرەوەی وڵاتی كردووە و وتوویەتی، “لەگەڵ ئەنجومەنی نوێنەران و باڵیۆزخانە و كونسوڵخانەی وڵاتاندا گفتوگۆدەكەین بۆ ئەوەی كۆچبەرانی عێراق بە زۆر نەنێردرێنەوە”.
