کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان پلەکانی گەرما لە سبەینێوە نزمدەبنەوە و لە ناوەندی پارێزگاکانیش تۆزێکی سووک دەبێت.
لە پێشبینییەکانی بەڕێوەبەرایەتیی گشتیی کەشناسی و بومەلەرزەزانیی هەرێمی کوردستاندا هاتووە، ئەمڕۆ ئاسمان ساماڵ دەبێت، بەرزترین پلەی گەرما لە پارێزگای هەولێر و هەڵەبجە 41 پلە دەبێت، لە سلێمانی 38 پلە و لە دهۆک 40 پلە دەبێت، هەروەها لە پارێزگای کەرکوک بەرزترین پلەی گەرما دەگاتە 43 پلە.
سبەینێ دووشەممە، ئاسمان ساماڵ دەبێت، لەگەڵ بەرزبوونەوەى تۆزێکى سووک لە سەنتەرى پارێزگاکان . سنوورى باشوورى پارێزگاى هەولێر لەگەڵ ئیدارەى گەرمیان و بەشێک لە سنوورى پارێزگاى کرکووک کاریگەرى بەرزبوونەوەى تۆزوخۆڵى زیاتر دەبێت.
بەپێی پێشبینییەکانی کەشناسیی هەرێم، سبەینێ پلەکانی گەرما 1-3 پلەی سەدی دادەبەزێت.
