بەرپرسێكی وەزارەتی ئەوقاف و كاروباری ئایینیی هەرێم ڕوونكردنەوە لەبارەی دیاریكردنی یەكەم ڕۆژی جەژنی قوربانی ئەمساڵ دەدات و دەڵێت، ” دیاریكردنی یەكەم ڕۆژی جەژنی قوربان تەنها لە دەسەڵاتی سعودیەیە و جیاوازە لەگەڵ جەژنی ڕەمەزان”.
نەبەز ئیسماعیل، وتەبێژی وەزارەتی ئەوقاف و كاروباری ئاینیی حكومەتی هەرێم لە لێدوانێكدا بە تۆڕی میدیایی ئێستای ڕایگەیاند، تا ئێستا یەكەم ڕۆژی جەژنی قوربانی ئەمساڵ بە فەرمی دیارینەكراوە و لە “1ی زی الحجە” و 10 ڕۆژ پێش جەژن دیاریدەكرێت و ئەوەش بەهۆی دەستپێكردنی ڕێوڕەسمەكانی فەریزەی حەجە بۆیە لەلایەن سعودیەوە یەكەم ڕۆژی جەژن دیاریدەكرێت.
ئاشكرایكرد، “ئەوەی بڵاوكراوەتەوە گوایە 9ی تەموزی ئەمساڵ یەكەم ڕۆژی جەژنی قوربانە تەنها قسەیە و ئێمە پشتی پێنابەستین و دەبێت سعودیە یەكەم ڕۆژی جەژنی قوربان دیاریبكات”.
