بەپێی ئەو زانیارییانەی لە بەڕێوەبەرایەتیی نەوت و كانزاكانی سلێمانییەوە بە تۆڕی میدیایی ئێستا دراون بەنزینە 690 دینارییەكە پشكی شاری موسڵە و ئەگەر خۆیان پێویستیان بێت بۆ هەرێمی كوردستان نانێرێن و ئەمڕۆش نرخی یەك لیتر بەنزینی نۆڕماڵ لە بەنزینخانەكانی شاری سلێمانی هەزار و 145 دینار بۆ هەزار و 150 دینارە.
لە زانیارییەكاندا هاتووە، ڕۆژانە لەلایەن حكومەتی عێراقەوە 65 تانكەر بۆ شاری موسڵ دابیندەكرێت و ئەگەر لە خۆیان زیادبێت ئەو كات بۆ هەرێمی كوردستان دەنێرن.
ئاماژە بەوەشكراوە، حەشدی شەعبی لە بەشێكی دەروازەكاندا ڕێگەنادات بەنزین بهێندرێت بۆ هەرێمی كوردستان و بەنزینە 690 دینارییەكەش بەو حاڵە دێت و لە ئێرانیشەوە هاوردەكردنی سووتەمەنی كەمبووەتەوە بۆیە مەترسی هەیە نرخەكەی گرانتر ببێت.
