لە ماوەی 12 كاتژمێری ڕابردوودا 50 منداڵ بەهۆی پەتای سكچوون و ڕشانەوەوە لە نەخۆشخانە داخڵكراون
بەڕێوەبەرایەتیی گشتیی تەندروستیی سلێمانی بڵاویكردووەتەوە، لە ماوەی 12 كاتژمێری ڕابردوودا 50 منداڵ بەهۆی پەتای سكچوون و ڕشانەوەوە لە نەخۆشخانە داخڵكراون.
بەپێی ڕاگەیەندراوێكی بەرێوەبەرایەتیی گشتیی تەندروستیی سلێمانی تێیدا هاتووە، لەگەڵ هاتنی ئەم شەپۆلی گەرما و گۆڕانكاریی كەشوهەوا تەنها لە ماوەی 12 كاتژمێری ڕابردوودا لەبەشی فریاكەوتنی خێرای نەخۆشخانەی د.جەمال ئەحمەد ڕەشیدی منداڵانی فێركاری لەكۆی داخڵبوونی 70 منداڵی نەخۆش 50 منداڵیان بەهۆی سكچوون و ڕشانەوەوە داخڵی نەخۆشخانەكراون.
